الجمعة، 12 نوفمبر 2010

العيد


 


أهو جاى عيد

وانت تملي ليه يا قلبي مش سعيد

بجرى والفلف في الحوارى والشوارع

اجرى والفلف والامل جوايا ضايع

مكسورة لية....

مكسورة لية يا فرحتى جوة الضلوع

مكسورة لية ولا جاى لي عيد

بقيت اناف سوق الحياة زى العبيد

ولي الف سيد

لازملي كام مليون سنة لاجل اتولد

وامسك لجام حريتى من جديد

وافرح وقلبي بالعيد السعيد!!!!!!!!!!!!1



مرسلة بواسطة في ليست هناك تعليقات:
التسميات:

الي ابني






طفلي اللي ساكن في حشايا من سنين

بيدق علي بابي الحزين

بيقولى يامى طالت غربتي

م تخرجيني طال الانين

ياابنى يا متلفح بحزن واسي

عايز لى تخرج للحياة

وزمنا تاه

م عادشى زمان الطيبين

خليك هنا جوه حضنى مليون سنة

ماتفتكرش الدنيا مليانة الهنا

ماتفتكرش انى اللى حبساك جوايا انا

زمنا زمان المتوحشين

وماعادشى باقي حنينين

لو جيت هنا لدنيا الوجع

راح تلقي كل الدنيا ضلمة

رغم ان الشمس وسط السما

والناس حوالينا متبسمين

خليك هنا وان عشت جوايا ميت سنة

م ح تلقي امان غير هنا

ولا حنان غير هنا

ولا البشر هيكونوا بشر

ولا انا هاكون انا

صدقنى يا ابنى الناس هنا

زى الغيلان متوحشين

الناس هنا مش طيبين

بعيون ازاز وميتين

خليك هنا واحلم معايا والسلام

كان نفسي يا بنى

تكون لى ضلع وسط الضلوع

عُجاز يسندني م الوقوع

بس التمنى مش كفاية

خليك هنا وموت جوايا

اوعى الخروج مالوش رجوع

مالوش رجوع

مرسلة بواسطة في ليست هناك تعليقات:
التسميات:

قلبي اليتيم

قلبي اليتيم

زهق من الاحزان خلاص

طالب اليك نظرة خلاص

قلبي اليتم واقف حزين

بيدق دقة الانتظار

بيقولي بُعدك الف نار

مين ف هجرك خد القرار

قلبي اليتيم ...واقف حزين

واقف يعد ف السنين

بيقول خلاص خاد القرار

الاعتزال
الاعتزال ماهوش محال
المحال افضل يتيم
المحال افضل حزين
وافضل اعاند ف السنين
وافضل اعاند ف الالم ويّا الانين
قلبي اليتيم واقف حزين


مرسلة بواسطة في ليست هناك تعليقات:
التسميات:
الاشتراك في: الرسائل (Atom)