اغرق ياقلبي جوة بحر القلق
وماتقولشي لاء
دا الحب بحر كبير
وهوة نفسه الغرق
وانت ياعقلي اسكت وطق
دانا نفسي اصرخ من وجع قلبي
واصرخ واقول لنفسي
الصراخ لاء
ادخل بحور الدمع جوايا
والدمع فيه عمرى اتسرق
لاء الدمع لاء
يامانفسي انده ع اللى داس قلبي
وارجع واقول لاء
اللى داسه لاء
انزف يا قلبي من دماك حبة
وانزف ودبدب بالدق ورا الدق
وانزع حشاك من جوه حبة
واخرج وقول للحب الف لاء
يامانفسي اغسل ودنى من صوته
وارجع واقول لنفسي صوته لاء
يمكن يجيله الوقت ويعودوا
وارفض رجوعك واصرخ لاء ..لاء
ااااااه ياقلبي دبدب دقتك دق دق
واغرق بيدك جوة بحر القلق
وان جه ينادى ف سكتك فوته
واحرق وراك كل الورق
واصرخ وقول للياليه لا تعودوا
ماعادشي باقي غيرها لاء
لاء ,,,لاء
جميل جدا موناليزا
ردحذفبس انتٍ قلبك جامد حبتين
ليه ياحبيبتى تركبى جبل العناد
ردحذفوتقولى لأ
الحب هو الميه
وهو الزاد
انا عشت عمري انتظر منك قرار
قرار يخلّى الليل نهار
اناالف مره ياحبيبتى قلتلك
لازم ارجع البسمه الجميله لشفتك
جاوبيني ليه بتقولى لأ
خليتى قلبى يتحرق وبطل يدق
...
رائعة الحرف وسيدة المشاعر
موناليزا
لقد سافرت مع أبجدية حروفكِ الصاخبة بالجمال
الى حيث أنتِ
لأسكن بجوار هندسه الحرف وجمال المعنى
لروحكِ الياسمين
بابا ماستر
ردحذفحينما تجتر القسوة والمرارة لن تُخرج الا القسوة
الزهرة تعطيها حنان تعطيك رحيقا طيبا
لكن مع الغدر لا يبقي الا
لاء
الجوكر
ردحذفسعيدة بوجودك يا سيدى جداً وسعيدة أكثر بعزف قلمك بين حروفي
عميق تحيتى لشخصك الراقي